Esta é a pregunta que abre as portas de calquera casa nas nosas aldeas. É a nosa forma de recoñecernos, de situarnos no mapa dos afectos e de lembrar que ninguén camiña só; todos somos parte dunha árbore con raíces fondas. Na Asociación Cultural Aldea Vella, nacida en 2018, queremos que esa resposta siga tendo sentido. Non somos só un grupo de veciños organizando actividades; somos unha rede que traballa para que o nome de cada casa, de cada camiño e de cada tradición de Astariz, de Castrelo de Miño e da nosa contorna non se perda no esquecemento. Entendemos que a nosa identidade non é algo estático, senón un legado vivo que se alimenta coa participación de todos. Por iso, abrimos os nosos brazos a calquera persoa que sinta o latexo do noso rural, sexa compartindo lembranzas de outrora ou achegando ideas novas para o mañá. Porque, ao final, o máis importante non é só de quén ves sendo, senón o que somos capaces de construír xuntos para que as nosas aldeas sigan sendo o fogar que sempre soñamos.